बार्सिलोना कोपा डेल रेको अन्तिम १६ मा प्रवेश गरेको छ । बुधबार राति भएको अन्तिम ३२ को खेलमा लिनाेस डिपोर्टिभोमाथि जित निकाल्दै बार्सिलोना प्रि–क्वार्टरफाइनलमा प्रवेश गरेको हो ।
बार्सिलोनाले लिनारेस डिपोर्टिभोलाई २–१ गोलले हराउँदै अघिल्लो चरणमा स्थान बनायो । डिपोर्टिभोको मैदानमा भएको खेलमा बार्सिलोनालाई जिताउन ओस्मान डेम्बेले र फेरान जुट्ग्लाले एक–एक गोल गरे । डिपोर्टिभोका एन्टोनियो लुइस डियाज सान्चेजले गरेको गोल सान्त्वना बन्यो ।
खेलको १९औँ मिनेटमा सान्चेजले गोल गर्दै डिपोर्टिभोलाई सुरुआती अग्रता दिलाएका थिए । खेलको ६३औँ मिनेटमा डेम्बेलेले गोल गर्दै बार्सिलोनालाई खेलमा फर्काए । ६९औँ मिनेटमा जुट्ग्लाले गोल गरेपछि बार्सिलोना २–१ गोलले विजयी भएको हो ।
