पेरिस सेन्ट जर्मेन (पिएसजी) फ्रेन्च कपको अन्तिम १६ मा प्रवेश गरेको छ । सोमबार राति भएको अन्तिम ३२ को खेलमा वेन्सलाई ४–० गोलले हराउँदै पिएसजी प्रि–क्वार्टरफाइनलमा प्रवेश गरेको हो ।
पिएसजीलाई जिताउन किलियन एम्बाप्पेले ह्याट्रिक गोल गरे भने प्रिसनेल किम्पेम्बेले एक गोल गरे । पिएसजीले पहिलो हाफमा एक गोल र दोस्रो हाफमा तीन गोल गरेको थियो । खेलको २८औँ मिनेटमा किम्पेम्बेले गोल गर्दै पिएसजीलाई सुरुआती अग्रता दिलाएका थिए ।
खेलको ५९औँ मिनेटमा एम्बाप्पेले गोल गरेपछि पिएसजीले आफ्नो अग्रता दोब्बर बनायो । ७१औँ मिनेटमा एम्बाप्पेले व्यक्तिगत दोस्रो गोल गर्दै पिएसजीको अग्रता तेब्बर बनाए भने त्यसको पाँच मिनेटपछि तेस्रो गोल गर्दै ह्याट्रिक पूरा गरे । र, पिएसजीलाई ४–० गोलको सानदार जित दिलाए ।
यससँगै एम्बाप्पेले पिएसजीका लागि १९६ खेलमा १५० गोल पूरा गरेका छन् । पिएसजीले पछिल्ला सात फ्रेन्च कप जितेको छ । पिएसजी सन् २०१५ पछि सबै संस्करणको फाइनलमा प्रवेश गरेको छ ।
