बार्सिलोना स्पेनिस ला लिगाको अङ्क तालिकाको शीर्ष पाँचमा उक्लिएको छ ।
आइतबार राति भएको खेलमा मल्लोर्कामाथि १–० गोलको साघुँरो जित निकाल्दै बार्सिलोना पाँचाैँ स्थानमा उक्लिएको हो ।
जितसँगै बार्सिलोनाले १९ खेलमा ३१ अङ्क जोडेको छ ।
बार्सिलोना शीर्ष स्थानमा रहेकाे रियल मड्रिडभन्दा १५ अङ्कले पछाडि छ ।
तथापि उसले रियलभन्दा एक खेल कम खेलेकाे छ । पराजित मल्लोर्का भने २० अङ्कका साथ १५औँ स्थानमा छ ।
गए राति मल्लोर्काको घरेलु मैदानमा बार्सिलोनालाई जिताउन लुक डी योङले निर्णायक गोल गरे ।
४४औँ मिनेटमा उनले गरेको गोल नै बार्सिलोनाको जितमा निर्णायक बनेको हो ।
सिनियर टोलीका अधिकांश खेलाडी नरहेको अवस्थामा पनि बार्सिलोनाले जित हात पारेको हो ।
कोरोनाका कारण सात, प्रतिबन्धका कारण एक र चोटका कारण पाँच प्रमुख खेलाडी बार्सिलोनाको टिममा छैनन् ।
यसैले मुख्य प्रशिक्षक जाभी हर्नान्डेजले ‘बी’ टिमका नाै खेलाडीलाई मल्लोर्काविरुद्धको खेलमा समेटेका थिए ।
