एसिड आक्रमणमा परेकी किशोरी मुस्कान खातुनको बायोपिक फिल्म बन्ने भएको छ ।
फिल्म ‘बुद्ध बर्न इन नेपाल’का निर्मातासमेत रहेका अभिनेता रमित ढुङ्गानाले मुस्कानको बायोपिक फिल्म बनाउने तयारी गरिरहेका हुन् । बुद्ध वर्न इन नेपाल रिलिज भएको पाँच वर्षपछि अभिनेता ढुङ्गानाले पुनः नयाँ फिल्म निर्माण गर्न लागेका हुन् । सामाजिक विषयवस्तुमा बन्ने फिल्मको प्रि–प्रोडक्सनको काम सुरु भइसकेको छ ।
यही पुस महिनाको अन्तिम साताबाट छायाङ्कन हुने बताइएको छ । बायोपिक फिल्मको नाम र फिल्ममा अभिनय गर्ने कलाकारहरूको नाम सार्वजनिक गरिएको छैन । मुस्कान सन् २०१९ मा एसिड आक्रमणमा परेकी थिइन् । त्यसबेला उनी १५ वर्षकी थिइन्।
