काठमाडौँको शङ्खरापुर नगरपालिकामा निस्सासिएर श्रीमान–श्रीमतीको मृत्यु भएको छ ।
महानगरीय प्रहरी परिसर काठमाडौँकाे अनुसार शङ्खरापुर नगरपालिका ३ निवासी ५२ वर्षीय पदमबहादुर थिङ र ४५ वर्षीया फूलकुमारी थिङकोको गएराति मृत्यु भएको हाे ।
महानगरीय प्रहरी वृत्त बौद्धका अनुसार उनीहरू आफू बसेको घरको कोठामा मृत अवस्थामा फेला परेका थिए ।
प्रारम्भिक अनुसन्धानका अनुसार थिङ दम्पत्तीको निस्सासिएर मृत्यु भएको हुन सक्ने बताइएकाे छ ।
घटनाबारे थप अनुसन्धान गर्न महानगरीय प्रहरी
प्रभाग साँखु र महानगरीय प्रहरी वृत्त बौद्धको टोली पुगेको छ ।
महानगरीय प्रहरी परिसरका प्रवक्ता एवम् प्रहरी उपरीक्षक दिनेशराज मैनालीले घटनाबारे विस्तृत विवरण आउन बाँकी रहेको बताएका छन् ।
