विराटनगर ।राष्ट्रिय प्रजातन्त्र पार्टीकी सांसद् खुस्बु ओलीले अर्थमन्त्री स्वर्णिम वाग्लेको राजीनामा माग गरेकी छन् ।
प्रतिनिधिसभाको बैठकमा अर्थमन्त्रीले सदनमा आएर स्पष्टीकरण दिनुपर्ने र विषय गम्भीर भएकाले निष्पक्ष,विश्वसनीय छानबिन अपरिहार्य भएको उनको भनाइ थियो।
उनले छानबिन प्रक्रिया पूरा नहुँदासम्म सुशासन र नैतिकताको दृष्टिले अर्थमन्त्रीले आफ्नै जिम्मेवारीबाट अलग रहनु उपयुक्त हुने भन्दै मार्ग प्रशस्त गर्नुपर्ने धारणा राखिन्।
