विराटनगर । नेकपा एमालेका अध्यक्ष केपी शर्मा ओलीले राष्ट्रपति रामचन्द्र पौडेलको भूमिकाप्रति असन्तुष्टि जनाउँदै सरकारको रबरस्ट्याम्प बनेको आरोप लगाएका छन्।
बुधबार पार्टीको सदस्यता नवीकरणसम्बन्धी कार्यक्रममा ओलीले संविधानको रक्षक र पालकको हैसियतमा राष्ट्रपतिले निर्वाह गर्नुपर्ने भूमिका प्रभावकारी रूपमा देखिन नसकेको टिप्पणी गरे।
उनले विगतका राजनीतिक घटनाक्रमलाई संकेत गर्दै संविधानविपरीत निर्णयहरूमा समेत राष्ट्रपतिले समर्थन गरेको आरोप लगाए।
राष्ट्रपति संविधानको संरक्षण र कार्यान्वयनमा सक्रिय हुनुपर्ने भए पनि त्यसको सट्टा सरकारले पठाएका निर्णयहरूमा हस्ताक्षर गर्ने काममा मात्र सीमित भएको उनको आरोप थियो।
