विराटनगर । कोशी प्रदेश फुटबल संघ खेल संघ तथा खेल संस्थाहरूको दर्ता, नवीकरण, सञ्चालन तथा व्यवस्थापनसम्बन्धी मार्गनिर्देशन-२०८१ अन्तर्गत दर्ता हुने पहिलो खेल संघ बनेको छ ।
शुक्रबार प्रमाणपत्र प्राप्त गरेसँगै फुटबल संघ कोशी प्रदेश खेलकुद विकास बोर्डद्वारा पारित मार्गदर्शनअन्तर्गत दर्ता हुने पहिलो खेल संघ बनेको हो ।
खेलकुद विकास बोर्डको २४औं बोर्ड बैठकले पारित गरेको मार्गदर्शनअन्तर्गत दर्ता हुने पहिलो संघ बनेसँगै फुटबल संघले प्रदेश खेल संघ दर्ता नं १ प्राप्त गरेको छ ।
बोर्ड कार्यालयमा प्रमाणपत्र हस्तान्तरण गर्दै सदस्य सचिव कृष्ण बस्नेतले (पर्शुराम )ले प्रदेशमा सक्रिय खेलकुद संघमध्येको फुटबल संघले सबैभन्दा अगाडि बोर्डमा दर्ता हुन आउँदा अन्य संघलाई समेत प्रेरणा प्राप्त हुने बताए ।
बस्नेतले प्रदेश खेलकुद बोर्डमा दर्ता भइरहँदा खेल संघ र बोर्डबीच प्रत्यक्ष र घनिभूत सम्बन्ध स्थापित हुने बताए ।
फुटबल संघको तर्फबाट संघका अध्यक्ष किशोर राईले प्रमाणपत्र ग्रहण गरेका थिए ।
