सैलुनभित्र देह व्यापार गरेको अभियोगमा भारतबाट एक नेपाली समातिएका छन् ।
भारतीय प्रहरीले मुम्बईको एउटा सैलुनबाट ३० वर्षीय मणिधनु अधिकारीलाई पक्राउ गरेक हो ।
मुम्बईको प्रिया रेसिडेन्सी खारघरका अधिकारीलाई प्रहरीले पक्राउ गरेको भारतीय सञ्चारमाध्यमहरुले जनाएका छन् ।
उनी मुम्बईमा बसोबास गर्दै आएको मुम्बई प्रहरीले जनाएको छ ।
मुम्बई प्रहरीको अपराध शाखाले अधिकारी पक्राउ परेको सैलुनबाट तीन महिलाको उद्धार गरेको जनाएको छ ।
पक्राउ परेका व्यक्तिमाथि युनिसेक्स सैलुनभित्र देह व्यापारको र्याकेट चलाएको आरोप लागेको छ ।
सैलुनका मालिकसहित अन्य तीन आरोपितको खोजी भइरहेको प्रहरीले जनाएको छ ।
सो सैलुनभित्र देह व्यापार चलिरहेको प्रहरीले आशङ्का गरेको छ ।
