माध्यमिक शिक्षा परीक्षा (एसइई) वैशाख ९ गतेदेखि सञ्चालन हुने भएको छ ।
राष्ट्रिय परीक्षा बोर्डको बुधबार (आज) बसेको बैठकले एसइई वैशाख ९ गतेदेखि २० गतेसम्म सञ्चालन गर्ने निर्णय गरेको बोर्डका अध्यक्ष महाश्रम शर्माले जानकारी दिए । उनका अनुसार बिहीबार परीक्षाको तालिका सार्वजनिक हुनेछ ।
परीक्षा तालिका बिहीबारको गोरखापत्र दैनिक र बोर्डको वेबसाइटमा सार्वजनिक हुने छ। सरकारले वैशाख ३० गते स्थानीय तहको निर्वाचन मिति घोषणा गरेपछि त्यसअघि नै परीक्षा तोकिएको अध्यक्ष शर्माले बताए ।
दुई वर्ष कोरोना महामारीका कारण हुन नसकेको एसइई यस पटक हुन लागेको हो । यसअघि दुईपटक एसइई आन्तरिक मूल्याङ्कनका आधारमा नतिजा निकालिएको थियो ।
यो पनि :
त्रिविमा माघ १० गतेसम्म पढाइ बन्द : परीक्षा नरोकिने, अनलाइन पढ्न सकिने
