बेलायतमा ओमिक्रोन भेरिएन्टको नयाँ सहप्रजाति पत्ता परेको छ ।
बेलायतको स्वास्थ्य सुरक्षा एजेन्सीले शुक्रबार अत्यधिक सङ्क्रामक ओमिक्रोन भेरिएन्टको सहप्रजाति (सब भेरिएन्ट) लाई भेरिएन्ट अफ इन्भेस्टिगेसनको अन्तगर्त राखेर नियाली रहेका छन् ।
बेलायतका स्वास्थ्य अधिकारीहरुले बीए.२ नाम दिइएको नयाँ भेरिएन्टबाट सयौँ सङ्क्रमितहरू फेला पारेका छन् ।
सब भेरिएन्टबाट चार सय भन्दा बढी मानिस सङ्क्रमित भइसकेको बेलायत सरकारले जनाएको छ ।
बीए.१ भेरिएन्ट बेलायतमा सबैभन्दा धेरै रहेको सुरक्षा एजेन्सीको भनाइ छ ।
नयाँ बीए.२ भेरिएन्टबारे वैज्ञानिकहरूले थप अनुसन्धान गरिरहेका छन् ।
एजेन्सीले भारत, डेनमार्क र स्वीडेनलगायत अन्य ४० देशमा पनि यो भेरिएन्ट फैलिसकेको अपुष्ट सङ्केत गरेको छ ।
