विराटनगर । नेकपा एमालेले मधेश प्रदेश सरकारलाई दिएको समर्थन फिर्ता लिँदै सरकारबाट बाहिरिएको छ।
एमालेबाट सरकारमा सहभागी श्रम तथा यातायातमन्त्री शारदा देवी थापा, भौतिक पूर्वाधार विकासमन्त्री मोहम्मद समिर, शिक्षा तथा संस्कृतिमन्त्री मनोजकुमार सिंह र खेलकुद तथा समाजकल्याणमन्त्री लखन दास तत्माले मुख्यमन्त्री कृष्णप्रसाद यादवसमक्ष राजीनामा बुझाएका छन्।
एमालेका प्रमुख सचेतक हरिनारायण महतोका अनुसार १५ बुँदे सहमतिअनुसार सरकार सञ्चालन, सुशासन र विकास निर्माणका काम हुन नसकेको भन्दै समर्थन फिर्ता लिइएको हो।
एमालेको निर्णयसँगै मधेश प्रदेशको राजनीतिक समीकरणमा फेरबदल हुने र नयाँ सरकार गठनको कसरत अघि बढ्न सक्ने देखिएको छ।
