ललितपुर – जिल्ला प्रहरी परिसर ललितपुरले यातायात व्यवस्था कार्यालय एकान्तकुनाबाट १५ जना बिचौलियालाई पक्राउ गरेको छ।
सेवाग्राहीलाई प्रभावित पार्दै अतिरिक्त रकम असुल्दै आएको सूचनाका आधारमा प्रहरीले उनीहरूलाई नियन्त्रणमा लिएको हो। पक्राउ परेकाहरूलाई हिरासतमा राखी थप अनुसन्धान भइरहेको प्रहरीले जनाएको छ।
प्रवक्ता गौतम मिश्रका अनुसार यस घटनामा संलग्न अन्य बिचौलियाको पहिचान र नियन्त्रणका लागि पनि आवश्यक सूचना संकलन गरी अपरेसन अघि बढाइएको छ।
