काठमाडौं – नवनियुक्त कानुन, न्याय तथा संसदीय मामिला मन्त्री सोविता गौतमले सर्वोच्च अदालतको निरीक्षण गरेकी छन्।
आइतबार बिहान कार्यालय समय सुरु भएसँगै मन्त्री गौतम भदौ २३ र २४ गतेको जेन–जी आन्दोलनका क्रममा ध्वस्त भएको सर्वोच्च अदालत निरीक्षणका लागि पुगेकी हुन्।
निरीक्षणका क्रममा उनले प्रधानन्यायाधीश प्रकाशमान सिंह राउत, वरिष्ठतम न्यायाधीश सपना प्रधान मल्ल लगायत न्यायाधीशहरूसँग परिचयात्मक भेटघाटसमेत गरेकी छन्।
भेटमा न्याय क्षेत्रको वर्तमान अवस्था, पूर्वाधार क्षति तथा सुधारका विषयमा प्रारम्भिक छलफल भएको जनाइएको छ।
