काठमाडौं – पूर्वगृहमन्त्री तथा नेपाली कांग्रेसका नेता रमेश लेखकलाई नेपाल प्रहरीले पक्राउ गरी महाराजगञ्जस्थित २ नं गणमा राखेको छ।
प्रहरीले उनलाई आज बिहान कटुञ्जे स्थित निवासबाट पक्राउ गरेको हो। पारिवारिक स्रोतका अनुसार उनलाई हाल २ नं गण महाराजगञ्जमा राखिएको छ।
जेन–जी आन्दोलनको छानबिन गर्न गठित गौरीबहादुर कार्की नेतृत्वको आयोगले दिएको सिफारिस कार्यान्वयनका क्रममा उनलाई पक्राउ गरिएको प्रहरीले जनाएको छ।
जेन–जी आन्दोलनका क्रममा निजी निवासमा आगजनी भई क्षति पुगेपछि उनी सूर्यविनायक नगरपालिका–५ कटुञ्जे स्थित भाडाको घरमा बस्दै आएका थिए।
