विराटनगर । कोशी प्रदेश प्रहरी कार्यालय, विराटनगर ले इलाका प्रहरी कार्यालय दमक, झापामा कार्यरत किशोर लम्साललाई फागुन महिनाको “सर्वोत्कृष्ट प्रहरी” घोषित गरेको छ।
लम्सालले प्रतिनिधिसभा निर्वाचनको समयमा संवेदनशील क्षेत्रमा शान्ति सुरक्षा कायम राख्दै सफलतापूर्वक निर्वाचन सम्पन्न गराएका थिए। साथै जेन्जि आन्दोलनका क्रममा लुटिएका हतियार बरामद गर्ने, फरार प्रतिवादी पक्राउ गर्ने तथा विभिन्न मुद्दा फर्छ्यौटमा सक्रिय भूमिका खेलेका थिए।
उनले ध्वनि प्रदूषण नियन्त्रणदेखि कार्यालय पुनःनिर्माणसम्म नेतृत्वदायी भूमिका निर्वाह गरेको मूल्याङ्कन गर्दै उक्त सम्मान प्रदान गरिएको हो।
