धरान । धरान उपमहानगरपालिकामा पार्किङमा राखिएका ६ वटा बसमा आगलागी भएको छ । धरान उपमहानगरपालिका–८ स्थित मंगलबार राति अटल ग्यारेजमा पार्किङ गरिएका ६ वटा बसमा आगलागी भएको हो । आगलागी हुँदा तीनवटा बस जलेर नष्ट भएको जिल्ला प्रहरी कार्यालय सुनसरीले जानकारी दिएको छ ।
१ख ६२७४ नम्बरको कृष्ण बस पूर्ण रूपमा जलेर नष्ट भएको छ भने प्र १–०१–००१ ख ४०३७ नम्बरको कन्काइ यातायात, बा ४ ख ५७५९ नम्बरको पाथिभरा दर्शन बस पूर्ण रूपमा जलेको छ ।
को १ ख ३८४७ नम्बरको सुपर मादेन, बा५ ख ५८१४ बस, र बा ५ ख ५८०९ नम्बरको बसमा आशिंक क्षति पुगेको छ । जिल्ला प्रहरी कार्यालय सुनसरीका अनुसार आगलागीको कारण अनुसन्धान भइरहेको छ ।
प्रारम्भिक अनुसन्धानका क्रममा व्यक्तिले आगजनी गरेको जस्तो देखिँदैन । बसभित्रै तार सर्ट भएर आगलागी भएको जस्तो देखिएको छ ।,’ सीसी टिभी फुटेज हेर्दा कुनै शंकास्पद गतिविधि देखिएको छैन ।घटनाको थप अनुसन्धान भइरहेको छ ।’
को १ ख ६२७४ को बसबाट आगो सुरु भएको थियो । विराटनगर–धरान रुटमा चल्ने यो बसमा एक महिनाअघि कुदिरहेकै अवस्थामा आगो लागेको थियो ।
