मोरङ । मोरङको रंगेली नगरपालिका–स्थित रंगेली अस्पताल नजिक सवारी दुर्घटना भएको छ। को १ ख ४२८५ नम्बरको ट्रकले मोटरसाइकलमा सवार दुई जनालाई ठक्कर दिएर फरार भएको प्रहरीले जनाएको छ।
दुर्घटनामा घाइते भएका दुवै जनाको अवस्था चिन्ताजनक रहेको छ। उनीहरूलाई उपचारका लागि अस्पताल लगिएको बताइएको छ।
घटनापछि ट्रक चालक फरार रहेकाले खोजी कार्य भइरहेको र दुर्घटनाबारे थप विवरण आउन बाँकी रहेको प्रहरीले जानकारी दिएको छ।
