विराटनगर । टिभेट संवादले रंगमञ्चका पर्दापछाडि कार्यरत व्यक्तिहरूले विकास गर्ने व्यवहारिक तथा स्थानान्तरण योग्य सीपहरूबारे केन्द्रित वेबिनार गर्ने भएको छ ।
बिहीबार (भोलि) बिहान ११ बजेदेखि दिउँसो १ बजेसम्म आयोजना गर्दैछ ।
उक्त वेबिनारमा स्टेज म्यानेजमेन्ट, प्रकाश व्यवस्था, ध्वनि प्रणाली, पोशाक निर्माण तथा सेट डिजाइनजस्ता पर्दापछाडिका महत्वपूर्ण भूमिकाहरूको चर्चा गरिनेछ ।
साथै, यी क्षेत्रहरूमा काम गर्ने व्यक्तिहरूले विकास गर्ने टिमवर्क, प्राविधिक दक्षता, समस्या समाधान क्षमता, समय व्यवस्थापन र समन्वय जस्ता सीपहरू अन्य उद्योग तथा पेशामा कसरी उपयोगी हुन्छन् भन्ने विषयमा जानकारी दिइनेछ ।
कार्यक्रमले रंगमञ्चलाई केवल कलाकारिताको क्षेत्र मात्र नभई सीप विकास र रोजगार योग्यताको महत्वपूर्ण माध्यमका रूपमा स्थापित गर्न सहयोग पुर्याउने अपेक्षा गरिएको छ भन्नेबारे वेविनारका वक्ता आकांक्षा जि.सी.ले बताइन् ।
पर्दापछाडिका पेशाकर्मीहरूको योगदानलाई उजागर गर्दै उनीहरूको सीपलाई व्यापक क्षेत्रसँग जोड्ने उद्देश्यसहित वेबिनार आयोजना गरिएको आयोजकले जनाएको छ ।
टिभेट सम्वाद काठमाण्डौं विश्वविद्यालय अन्तर्गत एमटिभेट कार्यक्रम अध्ययन गरिसकेका र गर्दै गरेका विद्यार्थीहरूको समुह हो र टिभेट सम्वादले विभिन्न विषयलाई सीप र सम्वाद, समस्या छलफलदेखि समाधानका लागि कार्यान्वयन पक्षसँग सम्वृद्ध भएका काम गर्ने उदेश्य लिएको छ ।
