विराटनगर – विराटनगर–१ पोखरीया स्थित सिंघिया खोलामा माछा मार्ने क्रममा करेन्ट लागी एक बालकको मृत्यु भएको छ । सोही ठाउँ बस्ने १३ वर्षीय आर्यन ठाकुरको करेन्ट लाग्दा मृत्यु भएको हो।
माछा मार्ने क्रममा करेन्ट लागेपछि आर्यन पानीमै बेहोस भएर ढलेका थिए । गम्भीर घाइते भएका उनको उपचारको क्रममा ज्यान गएको जनाइएको छ।
मृतकको शव पोस्टमार्टमका लागि कोशी अञ्चल अस्पताल पठाइएको छ। घटनाबारे थप अनुसन्धान भइरहेको प्रहरीले जनाएको छ।
