विराटनगर । मोरङको सुन्दरहरैंचा नगरपालिका-१० मा मोटरसाइकल दुर्घटना हुँदा एक जना गम्भीर घाइते भएका छन् ।
सुन्दरहरैंचा-१० मा खोर्सानेबाट केराबारीतर्फ जाँदै गरेको को ३३ प २०३८ नम्बरको मोटरसाइकल आफैं अनियन्त्रित भइ दुर्घटना भएको थियो ।
मंगलबार राति ८ः१५ बजेतिर भएको उक्त दुर्घटनामा मोटरसाइकल चालक मोरङको केराबारी गाउँपालिका-६ बस्ने ४८ वर्षीय फडिन्द्र थापा घाइते भएका हुन् ।
उनको निधार र खुट्टामा चोट लागेको छ भने उपचारार्थ सुकुना सामुदायिक अस्पताल विराटचोकमा पठाइएको प्रहरीले जनाएको छ ।
मोटरसाइकल भने इलाका प्रहरी कार्यालय बिराटचोकको नियन्त्रणमा छ । सवारी चालक अनुमतिपत्र नभएक र मादक पदार्थ सेवन गरेर मोटरसाइकल चलाउँदा दुर्घटना भएको प्रहरीको निष्कर्ष छ ।
