विराटनगर । शैक्षिक उत्कृष्टताको प्रतीक बन्दै आएको विराटनगर महानगरपालिका-१० मा अवस्थित कान्तिपुर कलेजले पुनः एक पटक आफ्नो शैक्षिक क्षमताको प्रमाण पेस गरेको छ ।
कलेजका विज्ञान ,व्यवस्थापन , तथा होटेल व्यवस्थापन संकाय पढाइ हुने यस कलेजका छात्र राजनारायण महतोले ३.९६ जिपिए प्राप्त गरी नेपालकै सर्वोत्कृष्ट नतिजा ल्याएका छन् ।
तिनै संकायमा गरेर ३.६१ देखि ४.०० जिपिएसम्म ३७ जना, ३.२१ देखि ३.६० सम्म ३५८, २.८१ देखि ३.२० सम्म १८७, २.४१ देखि २.८० सम्म १५३, २.०१ देखि २.४० सम्म ७४ गरि ९४ प्रतिशत विद्यार्थीले उत्कृष्ट नतिजा हासिल गरेको हो ।
सुरुदेखि नै गुणस्तरीय शिक्षामा प्रतिबद्ध यस कलेजले विद्यार्थीहरूको भविष्य निर्माणमा खेलेको भूमिकालाई अभिभावक, विद्यार्थी र शैक्षिक क्षेत्रका विज्ञहरूले अत्यधिक प्रशंसा गरेका छन् ।
विशेषगरी विज्ञान संकायमा कलेजले प्रयोगात्मक अध्ययन, अनुभवी शिक्षकहरू, अन्तरक्रियात्मक पठनपाठन र प्रविधिमैत्री शैक्षिक वातावरणद्वारा विद्यार्थीहरूलाई अन्तर्राष्ट्रियस्तरको प्रतिस्पर्धा गर्न सक्षम बनाउँदै आएको छ ।
कलेजका प्राचार्य भुवन नेपालले आफूहरू विद्यार्थीको अंकमा मात्र नभएर जीवनका हरेक क्षेत्रमा सफलता दिलाउने शिक्षामा विश्वास गर्ने बताए ।
‘३.९६ जिपिए ल्याउनु मात्र सफलता हैन उच्च शिक्षाका लागि मेडिकल,इन्जिनियरीङ, बैंकिङ्,निजामति एवम् विभिन्न क्षेत्रमा उल्लेख्य विद्यार्थीहरुको सफलता प्राप्त गर्नु हाम्रो उदेश्य हो । संस्कार सहितको सीपमूलक शिक्षामा जोड दिइ प्रयोगात्मक सिकाइमा जोड दिनु कान्तिपुरको विशेषता हो,’ उनले भने ।
विज्ञान, व्यवस्थापन र होटल व्यवस्थापन पढ्न चाहने विद्यार्थीका लागि यो कलेज अब प्रथम रोजाइको केन्द्र बन्दै गएको छ।
हाल कान्तिपुरमा ११ र १२ मा करिब दुई हजारभन्दा बढी विद्यार्थीहरू अध्ययन गरिरहेका छन् ।
हालै आएको २०८१ को एसइई परीक्षाको नतिजामा पनि यसै विद्यालयकी छत्रा आयुषा कार्कीले ४.०० जिपिए ल्याएकी थिइन्।
आधुनिक विज्ञान प्रयोगशाला, अनुसन्धानमुखी पाठ्यक्रम र निरन्तर परामर्शद्वारा कलेजले देशको शिक्षा प्रणालीमा उदाहरणीय स्थान कायम राखेको छ।
कान्तिपुर कलेजले देखाएको प्रतिबद्धता र उपलब्धिहरूले नेपाली शिक्षा क्षेत्रमै सकारात्मक ऊर्जा थपेको छ ।
आगामी दिनमा पनि यस्तै सफलता दोहोर्याउँदै जाने कलेजका प्राचार्य नेपालले जानकारी दिए ।
