विराटनगर । मोरङको विराटनगर महानगरपालिका-१२ बखरीमा स्कुटर र मोटरसाइकल ठोक्किँदा पाँच जना घाइते भएका छन् ।
दरैयाबाट बखरीतर्फ जाँदै गरेको प्र१-०२-०४७ प १६१८ नम्बरको स्कुटर र बखरीबाट दरैयातर्फ आउँदै गरेको को २६ प ३८६६ नम्बरको मोटरसाइकल एक आपसमा ठक्कर खाएर दुर्घटना भएको थियो ।
दुर्घटनामा दाहिने खुट्टा र हातमा चोट लागेका मोटरसाइकल चालक विराटनगर-१२ बस्ने २४ वर्षीय रोशन झालाई उपचारको लागि कोशी अस्पताल पठाइएको प्रहरीले जनाएको छ ।
यसैगरी, टाउको हात र खुट्टामा चोट लागेका स्कुटर चालक विराटनगर-११ बस्ने १९ वर्षीय आदित्य यादवलाई उपचारको लागि विराट नर्सिङ होम पठाइएको छ ।
स्कुटरमा पछाडि बस्ने विराटनगर-६ का २० वर्षीय दिपेश कामत र विराटनगर-१२ का २० वर्षीय अभिशेख मुखिया र सोहफ स्थानका १९ वर्षीय आकाश शर्मा गरी ३ जनासमेत सामान्य घाइते भएका छन् ।
उनीहरूलाई उपचारका लागि कोशी अस्पताल विराटनगर पठाएको र तीनै जनाको अवस्था सामान्य रहेको प्रहरीले जनाएको छ ।
उनीहरूसँग सवारी चालक अनुमतिपत्र साथमा नभएको र स्कुटर चालकको असक्षमताका कारण दुर्घटना भएको प्रहरीले जनाएको छ ।
