गोसाइँकुण्डमा पौडी खेल्ने क्रममा डुबेर दुई जना बेपत्ता भएका छन् । आइतबार दिउँसो पौडी खेल्ने क्रममा मोरङ घर भई गोसाइँकुण्ड दर्शनका लागि आएका मनोज न्यौपाने र सुजन ढकाल बेपत्ता भएका हुन् ।
गोसाइँकुण्ड गाउँपालिका–५ स्थित गोसाइँकुण्डमा बेपत्ता भएका दुई युवकको खोजी कार्यमा सशस्त्र प्रहरी, नेपाल प्रहरी र नेपाली सेनाको संयुक्त टोली परिचालित भएको छ।
घटनापछि सशस्त्र प्रहरी बल, नेपाल नं. २० गुल्म रसुवाबाट सशस्त्र प्रहरी नायव निरीक्षक (सप्रनि) मोहविर नगालको कमाण्डमा विपद् व्यवस्थापन तालिम प्राप्त सुरक्षा टोली परिचालन गरिएको जिल्ला प्रहरी कार्यालय रसुवाका डिएसपी तथा सह–प्रवक्ता शैलेन्द्र थापाले जानकारी दिए।
उनका अनुसार सशस्त्र प्रहरी, नेपाल प्रहरी र नेपाली सेनाको संयुक्त प्रयासमा खोजी कार्य तीव्र गतिमा अघि बढाइएको छ। डुबेका युवाहरुको खोजी कार्यका लागि तालिम प्राप्त गोताखोर समेत प्रयोग गरिएको जनाइएको छ।
