विष्णु सापकोटाले डिभोर्सबारे मौनता तोडेपछि गायिका एलिना चौहानका ‘आफू घरेलु हिंसामा परेको दाबी’ले थप चर्चा पाएको छ ।
राष्ट्रिय कलाकारहरूले ‘एलिना घरेलु हिंसामा परेको’ विषयलाई निन्दा गरेका छन् । केहीले उनलाई सहानुभूतिसमेत दिएका छन् ।
गत शुक्रबार विष्णुले डिभोर्सबारे एक प्रेस नोट जारी गरेका थिए । डिभोर्स र एलिनाको आरोपबारे रक्षात्मक बन्दै उनी यस घटनाबाट
मानसिक तनावमा पुगेको दाबी गरेका थिए ।
उनले आफूलक्षित नकारात्मक टिप्पणी गर्नेविरुद्ध कानुनी उपचारमा लागेको बताएका थिए । अस्ट्रेलिया र नेपाल दुवै स्थानमा कानुनी प्रक्रिया
थाल्ने उनको चेतावनी थियो ।
विष्णुको चेतावना सिधा एलिना लक्षित भएको स्पष्ट छ । किनभने उनीलक्षित सार्वजनिकस्थानमा टिप्पणी गर्ने एलिना हुन् ।
चेतवानीलगत्तै एलिनाले सम्बन्धमा रहँदा विष्णुको हिंसाबाट पीडित नीलडामसहितको अनुहारको तस्बिर सार्वजनिक गरेकी थिइन् ।
यही तस्बिरहरू सेयर गर्दै नायिकाहरू एलिनाको पक्षमा उभिएका हुन् । आफूपीडित पुष्टि गर्ने नीलडामसहितको तस्बिर सार्वजनिक
गर्नुपर्ने अवस्थामा एलिना पुगेको विषयालाई बेनिशाले निन्दा गरेकी छन् ।
उनले प्रश्न गरेकी छन्, ‘कति पटक एउटी महिलाले आफैँलाई प्रमाणित गर्नुपर्ने ? ऊ पटक–पटक भन्छे, उसले त्यो परिस्थिति भोगकी हुँ भनेर ।
तर हामी विश्वास गर्ने साटो उसकै सत्यतामा प्रश्न गर्छौं । के उसले आफ्ना नीलडाम देखाउनुपर्छ प्रमाणका लागि ?’
त्यस्तै, नायिका एलिजा गौतमले एनिलाको उक्त तस्बिर सार्वजनिक गर्दै ‘हामी तिम्रो साथमा छौँ एलिना’ लेखेकी छन् ।
एलिना अकल्पनीय घटनाबाट पार भएको नायिका गरिमा शर्मा दुखित छन् । उनले लेखेकी छन्, ‘यो सबै भोगेकी छौं भन्ने लागेको थिएन ।
यो देखेर दुख लाग्यो ।’
त्यस्तै नायिका स्मिता लामिछानेले एलिनालाई यो घटनाका लागि ‘बलियो बन्न’ सुझाव दिएकी छन् ।
कलाकार कुशुम शर्माले एलिनामाथिको यो ‘हिंसा’लाई मौन बसेका पीडित महिलाहरुको प्रतिनिधिमुलका घटना लिएकी छन् ।
उनले लेखेकी छन्, ‘तिमी हरेक मौन महिलाहरुको आवाज हौं ।
एलिना चौहान अहिले गायकीभन्दा व्यक्तिगत विषयले बढी चर्चामा छिन् ।
एलिना र विष्णु सापकोटाको सम्बन्ध ९ महिनामा टुट्यो । गत वर्षको वैशाखका यी दुईले लगनगाँठो कसेका थिए ।
यही कारण तनावमा रहेकी एलिना व्यक्तिगत विषयले मिडियामा आइरहेकी छन् ।
डिभोर्सको केही समय पूर्वपतिप्रति मौन बसेकी एलिना अहिले सार्वजनिक स्थानमा विष्णु लक्षित टिप्पणी गर्दै आएकी छन् ।
उनले मिडियामा आफ्नो सम्बन्ध अन्त्य हुनका कारण घरेलु हिंसा रहेको बताउँदै आएकी छन् ।
अर्थात्, विष्णुले नीलडाम बस्ने गरी पिट्ने गरेपछि आफूले कानुनी प्रक्रियाबाट सम्बन्ध टुङ्गाएको एलिनाको दाबी छ ।
विष्णु भने यस विषयमा प्रेस नोटमार्फत् बालेका छन् । त्यसपछि एलिनाले नीलडामसहितको अनुहारको तस्बिर राख्दै
विण्णुलाई सामाजिक सञ्जालबाटै जवाफ फर्काएकी छन् ।
