विराटनगर । विराटनगरमा मध्यरातमा मोटरसाइकलले स्कुटरलाई ठक्कर दिँदा तीन जना घाइते भएका छन्, जसमध्ये एक जनाको अवस्था गम्भीर छ ।
विराटनगर महानगरपालिका-२ मुनालपथस्थित कोशी लोकमार्गमा दक्षिणबाट उत्तरतर्फ जाँदै गरेको प्र१-०४-००२प
१४८२ नम्बरको स्कुटरलाई सोही दिशातर्फ जाँदै गरेको बा.प्र०२-०३६ प ५१९९ नम्बरको मोटरसाइले पछाडिबाट ठक्कर दिएको थियो ।
दुर्घटनामा १४८२ नम्बरको स्कुटी चालक बुढीगंगा गाउँपालिका-४ बस्ने २५ वर्षीय सुदर्शन गिरीको हातमा चोट लागेको छ ।
सोही स्कुटरमा पछाडि सवार उनका बुबा ६५ वर्षीय हरिनारायण गरीको टाउकोमा चोट लागेको छ ।
अवस्था सामान्य रहेका उनीहरूको विराट नर्सिङहोम विराटनगरमा उपचार भइरहेको छ ।
तर, मोटरसाइकल चालक विराटनगर महानगरपालिका-४ बस्ने ३६ वर्षीय शंकर प्रधानको टाउकोमा चोट
लागेको छ ।
अवस्था गम्भीर रहेका उनको पनि विराट नर्सिङहोम विराटनगरमा उपचार भइरहेको छ ।
दुवै सवारीसाधन जिल्ला ट्राफिक प्रहरी कार्यालय, मोरङको नियन्त्रण छ ।
