बलिउडका दुई नायक अक्षय कुमार र सैफ अली खान १७ वर्षपछि एकै फिल्ममा सहकार्य गर्ने भएका छन् ।
उनीहरुले फिल्म ‘हैवान’मा सहकार्य गर्ने तय भएको भारतीय अनलाइन मिडिया बलिउड हंगामाले उल्लेख गरेको छ । यो फिल्मबारे निर्माण पक्षले थप खुलाएको छैन ।
क्षय र सैफलाई एक साथ हेर्न रुचाउने दर्शकका लागि यो खुसीको खबर बनेको छ । यो फिल्मको निर्देशक प्रियदर्शन रहने खबर छ ।
उनीहरु दुईले सन् २००८ मा प्रदर्शनमा आएको ‘टशन’मा सहकार्य गरेका थिए । त्यस यता उनीहरुलाई एकै फिल्ममा देखिएको छैन ।
‘हैवान’को छायाङ्कन सन् २०२५ भित्रै सुरु हुने बताइएको छ । सन् २०२६ मा प्रदर्शनमा ल्याउने निर्माण पक्षको लक्ष्य रहेको छ ।
