विराटनगर । सुनसरीको गढी गाउँपालिकामा मंगलबार स्कुल बसले किच्दा तीन वर्षीय बालकको मृत्यु भएको छ ।
गढी-३ छिटाहास्थित रहेको लिटिल बड्ज एकेडेमी बोर्डिङ स्कुलको बसले किचेर सोही स्कुल पढ्ने विद्यार्थी आयुष उरावको मृत्यु भएको हो ।
गढी-६ मा दक्षिणबाट उत्तरतर्फ आउँदै गरेको ग १ ख २०१२ नम्बरको बसबाट घर छेउमा आई ओर्लिनेक्रममा उक्त दुर्घटना भएको हो ।
हिजो अपराह्न ४:२० बजेतिर बसबाट ओर्लिनेक्रममा गढी-६ बस्ने श्रवण उरावको छोरा आयुष अचानक लडेर सोही बसको चक्कामुनि छिर्न जाँदा बसको चक्काले टाउकोमा किची घटनास्थलमै मृत्यु भएको हो ।
बस ईलाका प्रहरी कार्यालय दुहबीको नियन्त्रणमा छ भने स्कुल बसका चालक गढी गाँउपालिका-३ बस्ने अन्दाजी ३१
वर्षका बिनोदकुमार मेहता फरार छन् ।
उनको खोजी कार्य भइरहेको प्रहरीले जनाएको छ । बस चालकको लापरवाहीले गर्दा दुर्घटना भएको प्रहरीको प्रारम्भिक अनुसन्धानले औंल्याएको छ ।
