भोजपुर । भोजपुरमा चालक नभएको ट्र्याक्टर भिरबाट खस्दा आठ वर्षीय बालकको मृत्यु भएको छ ।
भोजपुरको षडानन्द नगरपालिका-१४ पित्तिमस्थितमा को २ त ८६९७ नम्बरको ट्र्याक्टर भिरबाट खस्दा षडानन्द-१२ का विकास कार्कीको छोरा आठ वर्षीय सौगात कार्कीको मृत्यु भएको हो ।
सडकको साइडमा पार्किङ गरेर चालक पडानन्द-१२ का २२ वर्षीय भुवराज भट्टराई खाना खान गएका थिए । सोही अवस्थामा बालक ट्याक्टरमा खेल्ने क्रममा ट्याक्टर अगाडि बढेर सडकबाट १५ मिटर तल खसेको थियो ।
उक्त ट्याक्टरले किचेर बालकको घटनास्थलमा नै मृत्यु भएको थियो ।
घटनालगत्तै ट्याक्टर चालक फरार भएका छन् । प्रहरीले उनको खोजी कार्य जारी राखेको छ ।
चालकको लापरबाहीका कारण दुर्घटना भएको प्रहरीको प्रारम्भिक अनुसन्धानले देखाएको छ ।
