विराटनगर । प्रहरीले मोरङ र सुनसरीबाट लागुऔषधसहित ३ जनालाई पक्राउ गरेको छ । सुनसरीकाे धरानबाट २ र माेरङकाे उर्लाबारीबाट १ जनालाई पक्राउ गरेकाे हाे ।
शुक्रबार सुनसरीको धरान उप– महानगरपालिका– १७ बाट २९ वर्षीय कमल शाक्य ट्रामोल १ हजार ५० क्याप्सुल र धरान– ११ का २१ वर्षीय कमलहाङ राईलाई ब्राउन सुगर १०० मिलिग्राम सहित पक्राउ परे । उनीहरुलाई इलाका प्रहरी कार्यालय धरानबाट खटिएको प्रहरी टोलीले पक्राउ गरेको हो ।
इलाका प्रहरी कार्यालय उर्लाबारी मोरङबाट खटिएको प्रहरी टोलीले उर्लाबारी नगरपालिका – ४ का २१ वर्षीय मनिष भुजेललाई २५० मिलिग्राम ब्राउन सुगरसहित पक्राउ गरेको छ । पक्राउ परेकाहरुमाथि अनुसन्धान भइरहेको प्रहरीले जनाएको छ ।
