विराटनगर । मोरङको मिक्लाजुङ गाउँपालिकामा करेन्ट लागेर मरेको बाख्रोलाई तान्ने क्रममा एक युवतीको मृत्यु भएको छ ।
आइतबार दिउँसो करेन्ट लागेर मिक्लाजुङ गाउँपालिका–१ चित्रेकी १८ वर्षीया अनामिका राईको मृत्यु भएको हो ।
शनिबारदेखि नै हराएको बाख्रा खोज्न आइतबार हजुरबुवा धनवीर राईलाई साथमा लिएर निस्किएकी थिइन् ।
बिजुलीको पोलमुनि मरिरहेको बाख्रोलाई हतारहतार तान्ने क्रममा करेन्ट लागेर उनको घटनास्थलमै मृत्यु भएको प्रहरीले जनाएको छ ।
मृत बाख्रोलाई तान्ने क्रममा अनामिकालाई दिउँसो १ः३० बजेतिर करेन्ट लागेको थियो । ।
अनामिकालाई करेन्ट लागेपछि उनलाई जोगाउन हजुरबुवा धनवीर पनि पुगेका थिए । तर, सामान्य करेन्ट लागेका हजुरबुवा भने सकुशल रहेको प्रहरीले जनाएको छ ।
