विराटनगर । मोरङको केराबारी गाउँपालिका-५ पिपल चोकस्थित मदन भण्डरी लोकमार्गमा मोटरसाइकल दुर्घटना भएको छ ।
बिहीबार राति १० बजेतिर केराबारीबाट धरानतर्फ जाँदै गरेको को ३४ प ४९०९ नम्बरको मोटरसाइकल अनियन्त्रित भइ दुर्घटना भएको हो ।
दुर्घटनामा मोटरसाइकल चालक केराबारी-८ बस्ने वर्ष ३१ को सन्तोषकुमार खड्का गम्भीर घाइते भएका छन् ।
सोही मोटरसाइकलको पछाडि सवार छच केराबारी-१० बस्ने वर्ष ३२ को दिपेन बि.क. सामान्य, सोही मोटरसाइकलको पछाडि सवार केराबारी-८ बस्ने वर्ष ३१ को नगेन्द्र थापा सामान्य घाइते भएका छन् ।
घाइतेहरूलाई उपचारको लागि धरान घोपातर्फ पठाएको छ । मोटरसाइकल भने इलाका प्रहरी कार्यालय केराबारीको नियन्त्रणमा छ ।
तीन जना चढेर तीव्र गतिम मोटरसाइकल कुदाउँदा अनियन्त्रित भई दुर्घटना भएको प्रहरीको प्रारम्भिक अनुसन्धानले औंल्याएको छ ।
