CREATOR: gd-jpeg v1.0 (using IJG JPEG v62), quality = 90 विराटनगर । ताप्लेजुङको पाथीभरा क्षेत्रमा फेरि दोहोरो झडप भएको छ ।
‘नो केबलकार समूह’ र प्रहरीबीच बिहीबार झडप भएको हो । प्रदर्शनकारीले प्रहरीलाई ढुंगामुढा गरेपछि झडप भएको हो ।
ताप्लेजुङका प्रमुख जिल्ला अधिकारी नेत्रप्रसाद शर्माले क्षमा पूजाको नाममा राजेन्द्र महतो, रकम चेम्जोङ, डकेन्द्र थेगिम, राम मादेन, प्रेम एक्तेन, चन्द्र मादेनसहितका व्यक्तिहरू त्यहाँ पुगेका थिए ।
आन्दोलनकारीले सशस्त्र प्रहरीले प्रयोग गरेका सेफ्टी ढाल ५ वटा र मेगा फोन १ वटामा पूर्ण क्षति गराएको शर्माले बताए ।
निर्माणस्थलमा सुरक्षाकर्मीले राखेको ‘नो इन्ट्री बाउन्ड्री’मै पुगेर उनीहरूले भाषण गरेका थिए ।
ताप्लेजुङका सहायक प्रमुख जिल्ला अधिकारी सन्दिपा खड्काका अनुसार ११ जना सुरक्षाकर्मी रअन्य दुई जना घाइते भएका थिए ।
घाइते सबैको जिल्ला अस्पताल ताप्लेजुङमा उपचार भइरहेको छ ।
घाइतेमध्ये केहीको अवस्था चिन्ताजनक रहेको खबर आएको खड्काले बताइन् ।
