विराटनगर । पाँचथरको फाल्गुन्द गाउँपालिका-३ का वडाध्यक्ष सुखबीर नेम्वाङको निधन भएको छ ।
५६ वर्षीय नेम्वाङको बुधबार बिहान फाल्गुनन्द ३ पौवासार्तापस्थित घरमा निधन भएको हो ।
गाउँपालिका अध्यक्ष बृजहाङ आङदेम्बेका अनुसार वडाध्यक्ष नेम्वाङ घाँटीको क्यान्सरबाट पीडित थिए ।
लामो समयको उपचारपश्चात भक्तपुर क्यान्सर अस्पतालले दुई साताअघि उनलाई घर फर्काइदिएको थियो ।
नेपाली कांग्रेस फाल्गुनन्द गाउँपालिका सभापतिसमेत रहेका नेम्वाङले २०७४ र २०७९ को स्थानीय तह निर्वाचनमा चुनाव जितेका थिए ।
अघिल्लो चुनावबाट निर्वाचित भएपछि पूरा कार्यकाल बिताएका नेम्वाङ यसपटक वडाध्यक्ष बनेर आधा कार्यकाल बिताउन नपाउँदै अस्ताएका छन् ।
उनी कुशल भलिबल खेलाडीसमेत थिए ।
