विराटनगर । झापाको कन्काई नगरपालिका-२ सुकेडाँगीमा बिहीबार भएको आगलागीमा साढे चार लाख रुपैयाँको क्षति भएको छ ।
आज बिहान अन्दाजी ४ः४५ बजे सुकेडाँगी बस्ने देउकुमारी राईको गोठमा बालेको आगोबाट आगलागी भएको हो ।
आगलागीबाट गोठमा रहेको १० वटा प्लास्टिकको ड्रम, १८ वटा कुखुरा, पराल, काठपात, कुटी काट्ने मेसिन र गाईगोठ पूर्णरूपमा जलेर नष्ट भएको छ ।
सो आगलागीबाट ४ लाख ५० हजार रुपैयाँ बराबरको क्षति भएको जनाइएको छ । सोही गोठमा रहेको एउटा गाई र बाछा घाइते भएका छन् ।
त्यस्तै, देउकुमारी राईको आगो निभाउने क्रममा घाइते भएकी छन् ।
स्थानीय र छिमेकी बिर्तामोड नगरपालिका दमकलको सहयोगमा आगो पूर्णरूपमा नियन्त्रणमा आएको प्रहरीले जनाएको छ ।
कन्काई नगरपालिकामा आफ्नै दमकल छैन ।
