फाइल फोटो विराटनगर । मोरङको कानेपोखरी गाउँपालिका-२ केरुनमा बुधबार साँझ पेट्रोल ट्यांकरसँग स्कुटर ठोक्किए दुर्घटना भएको छ ।
हिजो साँझ ७ः३० बजे भएको उक्त दुर्घटनामा तीन जना घाइते भएकोमा एक जनाको अवस्था गम्भीर रहेको प्रहरीले जनाएको छ ।
कानेपोखरी-रंगेली सडकखण्डमा कानेपोखरीबाट केरुनतर्फ जाँदै गरेको को ३६ प २८८७ नम्बरको स्कुटर विपरीत दिशाबाट आउँदै गरेको को १ ख २३३८ नम्बरको पेट्रोल बोकेको ट्यांकरसँग जुधेको थियो ।
जसमा स्कुटर चालक कानेपोखरी-२ बस्ने १९ वर्षीय सन्देश राईको दुवै खुट्टामा चोट लागेको छ । उनको अवस्था सामान्य छ ।
स्कुटरमा पछाडि सवार सोही स्थानका १८ वर्षीय बिजल चौधरीको दुवै खुट्टामा चोट लागे पनि अवस्था सामान्य छ ।
तर, सोही स्थानका १९ वर्षीय युनिक भुजेलको भने टाउको, खुट्टामा चोट लागेको छ । अवस्था गम्भीर भएका उनको विराट
नर्सिङ होम अस्पताल विराटनगरमा उपचार भइरहेको छ ।
दुवै सवारी साधन प्रहरी चौकी रमाइलोले नियन्त्रणमा लिएको छ । तर,ट्यांकर चालक तत्काल फरार रहेकाले उनको खोजी भइरहेको प्रहरीले जनाएको छ ।
तीन जना सवार स्कुटरका चालकले सवारी चालक अनुमति पत्र प्राप्त नगरेको प्रहरीले जनाएको छ ।
