विराटनगर ।मोरङको बूढीगंगा गाउँपालिका-१ मिलनचोकमा मोटरसाइकललाई ठक्कर दिएर सिटी सफारी भागेको छ ।
मिलनचोकनजिक भित्री पक्की सडकखण्डमा गंगाचोकबाट मिलनचोकतर्फ जाँदै गरेको को १२ प ७६२५ नम्बरको मोटरसाइकलाई सिटीले ठक्कर दिएको हो ।
मिलनचोकबाट गंगाचोकतर्फ आउँदै गरेको तत्काल नम्बर नखुलेको सिटी सफारीले ठक्कर दिई दुर्घटना हुँदा मोटरसाइकल चालक घाइते भएका छन् ।
घाइते हुनेमा बूढीगंगा-३ बस्ने ५५ वर्षीय हरिकुमार क्षेत्री तिम्सिना रहेको प्रहरीले जनाएको छ ।
उनलाई उपचारका लागि साँझ ७:४० बजेतिर विराट टिचिङ अस्पताल गंगाचोक पुर्याइएको छ । बाँया खुट्टामा चोट लागेका उनको उपचार भइरहेको छ ।
सिटि सफारी र चालक तत्काल फरार रहेकाले खोजी भइरहेको छ भने मोटरसाइकल इलाका प्रहरी कार्यालय नेमुवाको नियन्त्रणमा छ ।
मोटरसाइकल चालकसँग सवारी चालक अनुमतिपत्र साथमा नभएको र मोटरसाइकल नै तीव्र गतिमा कुदाउँदा दुर्घटना भएको प्रहरीको भनाइ छ ।
