विराटनगर । मोरङको ग्रामथान गाउँपालिका-५ गिधनियामा टिपरले ठक्कर दिदा मोटरसाइकल चालकसहित दुई जना घाइते भएका छन् ।
मंगलबार बिहान १० बजेतिर तेतरीयाबाट गिधनियातर्फ जाँदै गरेको को १३ प १००८ नम्बरको मोटरसाइकललाई विपरीत दिशाबाट आउँदै गरेको को १ ख ६८७१ को टिपरले ठक्कर दिएको थियो ।
दुर्घटनामा मोटरसाइकल चालक ग्रामथान-४ बस्ने अन्दाजी ३० वर्षीय त्रिदेवकुमार चौधरीको चिउँडो र निधारमा चोट लागेको छ ।
उक्त मोटरसाइकलमा सवार सोही ठेगाना भएका अन्दाजी २७ वर्षीय सञ्जीव सरदारको टाउको, निधार र ढाडमा चोट लागेको प्रहरीले जनाएको छ ।
उनीहरूलाई उपचारका लागि न्युरो अस्पताल विराटनगरतर्फ ल्याइएको छ ।
उक्त स्थानमा प्रहरी चौकी तेतरीयाबाट प्रहरी सहायक निरीक्षक फजिद्र तोलांगीको नेतृत्वमा खटिएको टोलीले दुवै साधन इलाका प्रहरी कार्यालय हरैंचा पठाएको छ ।
टिपर चालक जिल्ला मोरङ सुन्दरहरैंचा नगरपालिका-७ बस्ने ४१ वर्षीय भक्तबहादुर थापालाई प्रहरीले नियन्त्रणमा लिएको छ ।
