सोलुखुम्बु । सोलुखुम्बुको नेचासल्यान गाउँपालिका–१ का सम्भव राउतले ‘मोडल टुरिजम एम्बेष्टर वर्ल्ड –२०२५’ मा नेपालको तर्फबाट प्रतिनिधित्व गर्ने भएका छन् ।
आगामी अप्रिल ५ देखि १२ सम्म नेपालमा आयोजना हुने अन्तर्राष्ट्रियस्तरको कार्यक्रम ‘मोडल टुरिजम एम्बेष्टर वर्ल्ड ’मा सोलुका राउतले नेपालको तर्फबाट एकल सहभागिता जनाउने भएका हुन् ।
आयोजक संस्था फेसन एराका प्रमुख कार्यकारी अधिकृत आनन्द सिंहका अनुसार उक्त कार्यक्रममा चार वर्षदेखि ५० वर्ष माथि उमेर समूहका व्यक्तिको सहभागिता रहने छ ।
कार्यक्रममा किड्स, टिन र एडल्ट गरी ९ समूहमा हुने प्रतिस्पर्धामा क्षेत्रीले १७ देखि १९ वर्षको उमेरभित्र समूह (इ) मा नेपालको तर्फबाट प्रतिनिधित्व गर्ने जनाइएको छ ।
कार्यक्रममा दर्जनभन्दा बढी देशका प्रतिस्पर्धी सहभागी हुनेछन् ।
‘मोडल टुरिजम एम्बेष्टर वर्ल्ड –२०२५’ अन्तरगत फेसन शो, फोटो सुट, र्याफ्टिङ, पशुपतिनाथ मन्दिर भ्रमण गराउने कार्यक्रम राखिएको छ ।
अप्रिल ११ मा ग्राण्ड फिनाले हुने आयोजक फेसन एराले जनाएको छ ।
समूहगत विजेताले आगामी जुलाइमा थाइल्याण्डमा आयोजना हुने कार्यक्रममा सहभागी बन्ने मौका प्राप्त गर्नेछन् ।
