विराटनगर । मोरङको ग्रामथान गाउँपालिका-७ भट्टीपुलस्थित घिनाघाट सडकखण्डमा मोटरसाइकल दुर्घटना भएको छ ।
हरैंचाबाट विराटनगरतर्फ आउँदै गरेको को २६ प ९८४१ नम्बरको मोटसाइकलले पूर्वबाट पश्चिमतर्फ बाटो क्रस गर्दै गरेकी पैदलयात्रीलाई ठक्कर दिएको थियो ।
आइतबार राति ८:२० बजेतिर मामाघर आएकी महिलालाई मोटरसाइकलले ठक्कर दिएको हो ।
जसमा तनहुँको बन्दीपुर गाउँपालिका-४ बस्ने डुमरे घर भई हाल ग्रामथान-७ स्थित मामा घर आएकी ३४ वर्षीया निशा कालाखेती घाइते भएकी छन् ।
उनको टाउको, ढाड र दुवै खुट्टामा चोट लागेको छ ।
दुर्घटनामा मोटरसाइकल चालक सुन्दरहरैंचा नगरपालिका-९ का अन्दाजी ४० वर्षीय लीलाधर गुरागाईं पनि घाइते छन् ।
घाइतेलाई उपचारको लागि मोरङ सहकारी विराटनगर अस्पताल ल्याइएको छ ।
