विराटनगर । एमबिबिएसमा नाम निकालिदिने भन्दै ३८ लाखभन्दा बढी ठगी गरेको आरोपमा पक्राउ परेका अनिल पोखरेललाई जिल्ला अदालत मोरङले पाँच दिनको म्याद थप गरेको छ ।
बिहीबार अदालतका न्यायाधीश पारशमणि पोखरेलको एकल इजजालसे ४३ वर्षीय पोखरेलमाथि पाँच दिनको म्याद थप गरी हिरासतमा राख्न आदेश भएको अदालतका सूचना अधिकारी हेमबहादुर बुढाथोकीले जानकारी दिए ।
बुधबार पक्राउ पुर्जी जारी भएसँगै बिहीबार बिहान मोरङ प्रहरीले पोखरेललाई पक्राउ गरेको थियो ।
अनिल नेकपा एमाले मोरङ जिल्ला सदस्य हुन् ।
पोखरेलले एबीबीबीएसमा छोरीको नाम निकालिदिने भन्दै सप्तरीको अग्नीसाईर कृष्णासवरन गाउँपालिका– ५ बकधुवा बस्ने ५७ वर्षीय बौआलाल चौधरीसँग विभिन्न मितिमा ३८ लाख ८० हजार रुपैयाँ लिएकाे आराेप छ ।
आज पक्राउ परेका पाेखरेलमाथि अनुसन्धान सुरु भएको जिल्ला प्रहरी कार्यालय मोरङका प्रवक्ता डिएसपी वेदप्रकाश जोशीले जानकारी दिए ।
सहकारी ठगी आराेपमा फरार रहेकी ऋषिकेश पोखरेल पत्नी अन्जला कोइराला बुधबार अदालतमा हाजिर भएकी थिइन् ।
बुधबार नै उनी जिल्ला अदालत माेरङकाे आदेशपछि १० लाख धरौटी बुझाएर छुटेकी थिइन् ।
ठगीकाे घटना सार्वजनिक भएपछि पाेखरेलले अनिललाई जिम्मेबारीबाट हटाएका थिए ।
