विराटनगर । काम लगाइदिने भन्दै बालिका बेच्न खोज्ने तीन जना सुनसरीबाट पक्राउ परेका छन् ।
१७ वर्षीया बालिकालाई बेचबिखन प्रयास गरेको आरोपमा प्रहरीले दुई जनालाई सोमबार पक्राउ गरेको हो ।
प्रहरीले भारतको विहार राज्यको सुपौल जिल्ला, वीरपुरका २८ वर्षीय नयनकुमार यादव र उदयपुरका २४ वर्षीय उज्वल खड्कालाई पक्राउ गरेको हो ।
भारतमा राम्रो कामको प्रलोभनमा सुनसरीको कोशी गाउँपालिका-८ भन्टावारी नाकाबाट युवतीलाई बेचबिखनका लागि भारततर्फ लैजान खोजेको आरोपमा उनीहरूमाथि छ ।
पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी सुमनकुमार तिम्सिनाले बताए ।
पीडित युवतीको स्वास्थ्य परीक्षण जिल्ला अस्पतालमा पुस १५ गते गरिएको छ ।
