दुहवी । सुनसरीको दुहबी नगरपालिकाको राष्ट्रय परिचयपत्र तथा पञ्चीकरण शाखा दुहबीको आयोजनामा ब्यक्तिगत घटना दर्ता र सामाजिक सुरक्षासम्बन्धी दुई दिने अभिमुखीकरण आजदेखि सुरु भएको छ ।
जनप्रतिनिधि र कर्मचारीहरूलाई पञ्चीकरणसम्बन्धी जानकारी दिने उद्देश्यले पञ्चीकरण विभाग काठमाडौंको प्रशिक्षकले आज अभिमुखीकरण गरेका हुन् ।
कार्यक्रमका अध्यक्ष दुहवी नगर प्रमुख वेद गच्छादारको अध्यक्षतामा उक्त कार्यक्रम सञ्चालन गरिएको थियो ।
नगर प्रमुख गच्छादारले हेर्दा सुन्दा सामान्य लाग्ने भए पनि ब्यक्तिगत घटना दर्ता देश र जनताको महत्त्वपूर्ण अंगका रूपमा रहेको हुँदा सम्बन्धित विभागकै कर्मचारी र जनप्रतिनिधिले गम्भीर भएर काम गर्नुपर्नेमा जोड दिए ।
प्रमुख प्रशासकिय अधिकृत हिमालय बरालले ब्यक्तिगत घटना दर्ता समयअनुकुल फेरबदल हुँदै जाने हुँदा विभागीय कर्मचारीले संवेदनशील बनेर जनताको काम गर्नु पर्ने जनाए ।
कार्यक्रममा उपप्रमुख मेनुका खतिवडा, १ देखि १२ सम्मका वडाअध्यक्षहरू, कार्यपालिका सदस्यहरू, वडा सदस्यहरूलगायतको उपस्थित रहेको थियो ।
