विराटनगर । सुनसरीको देवानगन्ज गाउँपालिकामा पानी तान्ने मोटरबाट करेन्ट लाग्दा बुबाको मृत्यु भएको छ भने छोरा गम्भीर घाइते भएका छन् ।
पानी तान्ने मोटरबाट करेन्ट लागेर देवानगन्ज-४ का ३८ वर्षीय राजा मेहताको मृत्यु भएको हो । उनका १५ वर्षीया छोरा करण मेहता गम्भीर घाइते भएका छन् ।
देवानगन्ज-४ मंगलबार आफ्नो खेतमा सिँचाइ गर्ने क्रममा करेन्ट लागेर उनको मृत्यु भएको हो ।
करेन्ट लागेर बेहोस भएका राजा मेहतालाई कोशी अस्पताल विराटनगर ल्याइएको थियो । चेकजाँच गर्नेक्रममा चिकित्सकले उनलाई मृत घोषणा गरेका हुन् ।
मृतकका छोरा करण मेहताको उपचार भइरहेको र अवस्था गम्भीर रहेको इलाका प्रहरी कार्यलाय देवागनन्जका प्रमुख प्रहरी निरीक्षक कमल विष्टले जानकारी दिए ।
