फाइल तस्बिर विराटनगर । सुनसरीको बराहक्षेत्र नगरपालिकामा रोकी राखेको सिटी सफारीलाई मोटरसाइकलले ठक्कर दिई दुर्घटना
हुँदा एक जना घाइते भएका छन् ।
बिहीबार साँझ ७:५० बजेतिर बराहक्षेत्र-७ सोमबारे चोकमा राखेको को२ह २७२५ नम्बरको सिटी सफारीलाई विपरीत दिशातर्फ आउँदै गरेको को२२प १८०० नम्बरको मोटरसाइकलले ठक्कर दिएको थियो ।
उक्त दुर्घटनामा मोटरसाइकल चालक स्थानीय ४५ वर्षीय तिलक राणा मगर घाइते भएका थिए ।
दाहिनेपट्टिको काँधमा चोट लागेका उनको नगर-अस्पताल चक्रघट्टीमा उपचार भइरहेको प्रहरीले जनाएको छ ।
सिटी सफारी चालक बराहक्षेत्र-७ बस्ने ४९ वर्षीय भीमबहादुर राउत सकुसल रहेका छन् । उनलाई प्रहरीले नियन्त्रणमा लिएको छ ।
