काठमाडौं । अर्जेन्टिनी कप्तान लियोनल मेसी आबद्ध रहेको इन्टर मियामीले अमेरिकन लिग सकरको उपाधि जितेको छ ।
बिहीबार बिहान भएको खेलमा कोलम्बस क्रुलाई ३-२ गोलले हराएसँगै मियामीले पहिलोपटक एमएलएसको उपाधि हात पारेको हो ।
कोलम्बसको मैदानमा मियामीलाई जिताउन मेसीले दुई गोल गर्दा लुइस स्वारेजले एक-एक गोल गरे ।
मेसीले पहिलो हाफको इन्जुरी समयमा दुई गोल गरेका थिए ।
कोलम्बसका लागि डिएगो रोजी र चुचो हेर्नानडेजले एक एक गोल गरेका थिए ।
खेलको ८४औं मिनेटमा पाएको पेनाल्टी मिस गरेपछि कोलम्बसले खेल बराबरी गर्ने अवसर गुमाएको थियो ।
यस खेलमा खेलको ६३औं मिनेटमा रुडी कामचोले रातो कार्ड पाएपछि कोलम्बस १० खेलाडीमा सीमित भएको थियो ।
लिग सकिनुअगावै मियामीले उपाधि जितेको हो ।
यससँगै मेसीले क्लब र देशका लागि जितेको ४६औं ट्रफी हो । मियामीको साथ उनले जितेको भने यो दोस्रो उपाधि हो ।
सन् २००४ मा मेसीले डेब्यु गरेयता मेसीसँग अहिले ४६ वटा ट्रफी छन् ।
विश्वकप, कोपा अमेरिका, च्याम्पियन्स लिग जस्ता चर्चित ट्रफी जितेका मेसीको बालोन डी‘ओरलगायत व्यक्तिगत ट्रफी जोड्दा उक्त संख्या पुगेको हो ।
मेसीकै कप्तानीमा अर्जेन्टिना सन् २०२२ को विश्वकविजेता बनेको थियो भने २०२१–०२२ र २०२३–०२४ मा कोपा अमेरिकाको उपाधि जितेको थियो ।
त्यसअघि सन् २००५ मा यु–२० विश्वकप जितेका मेसीले सन् २००८ को बेइजिङ ओलम्पिकमा गोल्ड मेडल जितेका थिए ।
सन् २०२१–०२२ मा दक्षिण अमेरिकी राष्ट्रहरूबीचको प्रतियोगितामा अर्जेन्टिनालाई उपाधि दिलाउन मेसीको भूमिका महत्त्वपूर्ण थियो ।
मेसीले सन् २००९ देखि २०२३ सम्म गरी सर्वाधिक धेरै आठ पटक फुटबलको प्रतिष्ठित अवार्ड बालोन डी‘ ओर जितेका छन् ।
चार पटक फिफाबाट सवोत्कृष्ट घोषित् भएका उनले बार्सिलोनाबाटै ६ पटक गोल्डेन बुट जितेका थिए ।
सर्वाधिक धेरै ट्रफी जित्ने खेलाडीतर्फ मेसी सबैभन्दा अगाडि छन् ।
