विराटनगर । दुई दिनको अविरल वर्षाका कारण आएको बाढीपहिरामा परी मृत्यु हुनेको संख्या दुई सय २८ पुगेको छ ।
संघीय सरकारको गृहमन्त्रालयका अनुसार हालैको बाढीपहिरामा परी दुई सय २८ जनाको मृत्यु भएको छ भने २५ जना बेपत्ता छन् । अरू एक सय ५८ जना घाइते भएका छन् ।
हालसम्म बाढीपहिरो प्रभावित क्षेत्रबाट १३ हजार ७१ जनाको उद्धार गरिएको छ भने खोज, उद्धार र सहायता परिचालन गरिएको गृह मन्त्रालयका प्रवक्ता ऋषिराम तिवारीले जनाए ।
प्रभावितलाई खाद्यान्नलगायत राहत सामग्री प्रदान गरिनाका साथै घाइतेको निःशुल्क उपचार भइरहेको छ ।
सरकारले उद्धार र राहतलाई उच्च प्राथमिकता दिएको र यातायात सञ्चालन गर्न अवरुद्ध राजमार्ग सञ्चालनको अथक प्रयास भइरहेको प्रवक्ता तिवारीले बताए ।
