झापा । झापामा साइकलयात्रीलाई जोगाउन खोज्दा भएको मोटरसाइकल दुर्घटना परी घाइते भएका एक जनाको मृत्यु भएको छ ।
आइतबार राति ८:३० बजेतिर बिर्तामोड नगरपालिका-१० ठुटेबरस्थित बिर्ताबजारबाट सैनिकबजार तर्फ जाँदै गरेको प्र१-०१-०१२ प ५८९१ नम्बरको मोटरसाइकल दुर्घटनामा परेको थियो ।
विपरीत दिशाबाट आउँदै गरेका साइकलयात्रीलाई जोगाउने क्रममा आफैं अनियन्त्रित भई दुर्घटना हुँदा मोटरसाइकल चालक बिर्तामोड-१० बस्ने २७ वर्षीय अनिश न्यौपाने घाइते भएका थिए ।
मोटरसाइकल पछाडि सवार बिर्तामोड-१० कै ३८ वर्षीय टीकाराम राय सामान्य घाइते भएका थिए ।
दुवै जनाको बिर्तामोडस्थित बिएन्डसी अस्पताल उपचार भइरहेकोमा सोमबार दिउँसो २:३० बजेतिर न्यौपानेको मृत्यु भएको हो ।
