विराटनगर । मोरङको ग्रामथान गाउँपालिकामा मोटरसाइकल अनियन्त्रित भई दुर्घटना हुँदा एक जना घाइते भएका छन् ।
सोमबार राति १०:३० बजेतिर ग्रामथान- २ इँट्टाभट्टास्थित घिनाघाट-विराटचोक भित्री पक्की सडकखण्डमा उक्त दुर्घटना भएको हो ।
विराटचौकबाट विराटनगरतर्फ आउँदै गरेको को ६ प २६१४ नम्बरको मोटरसाइकल आफैं अनियन्त्रित भई दुर्घटना हुदाँ चालक स्थानीय २७ वर्षीय कृष्णकुमार माझी घाइते भएका हुन् ।
उनको बायाँ खुट्टामा चोट लागेको छ । उनलाई उपचारको लागि नोबेल अस्पताल विराटनगर पठाइएको प्रहरीले जनाएको छ ।
मोटरसाइकल तीव्र गतिमा कुदाएका कारण दुर्घटना भएको प्रहरीको निष्कर्ष छ ।
उनीसँग सवारी चालक अनुमतिपत्र साथमा नभएको र मादक पदार्थ सेवन गरे-नगरेको विषय तत्काल नखुलेको प्रहरीले जनाएको छ ।
