विराटनगर । विराटनगर महानगरपालिका-२ मुनालपथस्थित भब्या इन्टरनेसनलमा भीषण आगलागी भएको छ ।
बुधबार दिउँसो २:३५ बजेतिर लागेको आगो करिब एक घण्टापछि नियन्त्रणमा आएको छ ।
विराटनगर महानगरपालिकाबाट गएको तीनवटा दमकलको सहयोगमा स्थानीय र प्रहरीले आगो नियन्त्रणमा लिएका हुन् ।
आगो ३ः४५ बजेतिर नियन्त्रणमा आएको प्रहरीले जनाएको छ ।
इलेक्ट्रिक साइकल र सिटीसफारी बिक्री गरिने पसलमा आगलागी हुनुको कारण खुलेको छैन ।
मनिष वंशलले सञ्चालन गर्दै आएको उक्त पसलबाट बिजुलीले चल्ने साइकल तथा सफारी बिक्री गरिँदै आएको थियो ।
आगोले पसल पूर्णरूपले जलेको छ । क्षतिको विवरण भने आइसकेको छैन ।
मोरङ प्रहरीका प्रवक्ता प्रहरी नायब उपरीक्षक ज्ञानेन्द्रबहादुर बस्नेतले क्षतिको विवरण संकलनको काम भइरहेकोे बताए ।
ब्याट्री पड्किएर आगो लागेको हुनसक्ने प्रहरीको अनुमान छ ।
आगलागी सुरु भएको करिब आध घण्टासम्म पनि दमकल नआइपुगेको भन्दै स्थानीय आक्रोशित बनेका थिए ।
